那辰侯，每蜀隻倪囝羔都著讀小學。 雖然厝裡講:「學什毛?厝底裡事計都做未完，故有閒去讀書?」 但是聽伊別儂講:「政府講呵了『村村有學校，人人有書讀。』」 故此，每蜀日天故未光，早起頭著爬起哦。 差不多六點幾著行出，躃步去學堂。 偌恰遲，(勿會)赴遘學堂，會乞先生罰。 蜀聲「徛後斗」!就總款開始上課了! 先生講:「曲學堂有能耐學野(多束)毛。」 國語?「算數」?上了什乇課?我都(勿會)記囉。 吶會記，有時有時，伓是日日都有。 先生會掏美國人乞儂家其牛奶餅乾， 蜀張桌兩隻位處，兩隻儂蜀楞餅乾。 第一好坐敆我旁邊的同學(勿會)愛食牛奶、無食餅乾， 就伓使著分，有能耐自己食個啷其，就野高興略。