前蜀巡講「那辰侯，每蜀隻倪囝羔都著讀小學。 」 只回罔講儷「放暝」。 放暝以後大家會著山隴骹遛。 那辰候，厝前斗有蜀隻空地， 我第一歡喜共同學著夫塊所拍彈珠。 (勿會)捌是底儂開始著地兜畫蜀其框框， 大家揢自家其彈珠廮敆框框底勢，蜀隻儂蜀隻儂輪蜀下 ，伏敆地兜開始彈， 看伊使大拇拇、當中指，也會使使犄角指、無名指， 無管使底蜀其手跣指，底儂彈出環環外兜， 彈幾粒出底，底儂就贏幾粒囉。 骹遛野有味!但是我嬭(勿會)歡喜我拍彈珠， 因為伊野澈潔，每蜀巡看著我伏敆地兜，伊會講「地兜偌擸喔，塗粉做蜀身」。 倪囝羔蜀身塗也無要緊，有贏就野高興略! 蜀粒、兩粒、十幾粒...囥著罐罐，囥著屜屜。 就是第一好的本錢略。